Het jy al die wonderlike ontdekking van die Geesvervulde Lewe
gemaak?

Die Bybel verduidelik aan ons dat daar drie soorte mense is.

1.  Die Natuurlike Mens (Iemand wat nie vir Christus aangeneem het nie)
”Die mens wat nie die Gees van God het nie, aanvaar nie die dinge van die Gees van God nie.  Vir hom is dit onsin.  Hy kan dit ook nie verstaan nie, omdat dit geestelik beoordeel moet word”(1 Korintiërs 2:14). 

SELFBEHEERDE  LEWE   SELF is op die troon Belange word deur self beheer wat dikwels tot konflik en frustrasie lei Christus is buite die lewe

2. Die Geestelike Mens (Iemand wat deur die Helige Gees beheer en bekragtig word)
“Die mens wat die Gees van God het, kan die waarde van alle dinge beoordeel, ... ons het die Gees van Christus” (1 Korintiërs 2:15,16).

CHRISTUSBEHEERDE LEWE CHRISTUS is deel van die lewe en op die troon van die lewe Self is onttroon Belange word deur Christus beheer wat lei tot harmonie met God se plan

3. Die Vleeslike Mens (Iemand wat Christus wel aangeneem het, maar geen oorwinning smaak nie, omdat hy op sy eie pogings staatmaak om die Christelike lewe te lei)
“Broers, ek kon met julle nie praat soos met mense wat hulle deur die Gees van God laat lei nie; ek  moes  praat  soos met wêreldse  mense,  soos  met kindertjies  in  die  geloof  in Christus.  Ek het julle met melk gevoed,  nie  met vaste kos nie, want julle kon dit nog nie verteer nie. En julle kan dit ook nou nog nie verteer nie, want julle is nog wêreldse mense.  Daar kom jaloesie en twis onder julle voor. Is dit nie omdat julle nog wêrelds is en julle wêrelds gedra nie?” (1 Korintiërs 3:1-3).

SELFBEHEERDE LEWE SELF is op die troon Christus is onttroon en beheer nie die lewe nie Belange word deur self beheer wat dikwels tot konflik en frustrasie lei

• Jesus het gesê: “Ek het gekom sodat hulle die lewe kan hê, en dit in oorvloed” (Johannes 10:10).
   

• “Ek is die wingerdstok, julle die lote. Wie in My bly en Ek in hom, dra baie vrugte, want sonder My kan julle niks doen nie” (Johannes 15:5).
   

•  “Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing” (Galasiërs 5:22, 23).
   

•  “Maar julle sal krag ontvang vanneer die Heilige Gees oor julle kom, en julle sal my getuies wees in Jerusalem sowel as in die hele Judea en in Samaria en tot in die uithoeke van die wêreld” (Handelinge 1:8). 

Die volgende is enkele eienskappe van die Geestelike Mens - die persoon wat sy vertroue in God plaas:

Lewe is Christus gesentreerd Bekragtig deur die Heilige Gees Lei ander tot bekering Het ‘n betekenisvolle gebedslewe Verstaan God se woord Vertrou God Is aan God gehoorsaam

Liefde Vreugde Vrede Geduld Vriendelikheid Getrouheid Goedhartigheid Nederigheid Selfbeheersing

Die mate waarin hierdie eienskappe in die lewe voorkom, is afhanklik van hoeveel die persoon Christus in elke area van sy lewe vertrou en ook die persoon se geestelike volwassenheid in Christus.  Die Christen wat nou eers die werking van die Heilige Gees begin begryp, hoef nie ontmoedig te voel, indien hy nie so vrugbaar is soos 'n meer volwasse Christen wat al vir 'n langer tydperk reeds hierdie waarheid ken en toepas nie.

Hoekom ervaar die meeste Christene nie die oorvloedige lewe nie?

Die vleeslike mens maak op sy eie pogings staat om 'n Christelike lewe te lei:

1. Hy is óf onkundig, óf het van God se liefde, vergifnis en krag vergeet (Romeine 5:8-10; Hebreërs 10:1-25;1 Johannes 1-1 Johannes 2:1-3;
   2 Petrus 1:9; Handelinge 1:8).
   
2. Hy het 'n op en af geestelike ervaring.
   
3. Hy kan homself nie verstaan nie - hy wil doen wat reg is maar kan nie.
   
4. Hy vertrou  nie op die krag van die Heilige Gees om 'n Christelike lewe te lei nie (1 Korintiërs 3:1-3; Romeine 7:15-24; Galasiërs 5:16-18)

Sommige of al hierdie eienskappe sal waar wees van die Vleeslike Mens - die Christen wat God nie ten volle vertrou nie

Onkunde met betrekking tot sy geestelike erfenis Ongeloof Ongehoorsaamheid Gebrek aan liefde vir God en ander mense Gebrekkige gebedslewe Geen begeerte vir Bybelstudie nie

Wettiese gesindheid Onreine gedagtes Jaloesie Skuldgevoelens Bekommernis Moedeloosheid Kritiese gees Frustrasie Koersloosheid

(Die persoon wat sê dat hy 'n Christen is, maar wat in sonde volhard, moet besef dat hy moontlik nie 'n Christen is nie volgens  1 Johannes 2:3; 3:6, 3:9; Efesiërs 5:5). Kliek hier om uit te vind of jy 'n Christen is.

Die derde waarheid gee die enigste oplossing vir hierdie probleem...

Die Geesvervulde lewe is die Christusbeheerde lewe; wanneer Christus Sy lewe, deur die krag van die Heilige Gees, in en deur ons lewe (Johannes 15).

• Iemand word 'n Christen deur die werking van die Heilige Gees volgens  Johannes 3:1-8. Van daardie oomblik af (wedergeboorte), lewe die Heilige Gees altyd in jou (Johannes 1:12; Kolossense 2:9, 2:10; Johannes 14:16-17). Alhoewel die Heilige Gees in alle Christene woon, is alle Christene nie voortdurend vervul (beheer en toegerus) met die Heilige Gees nie.
  
  
• Die Heilige Gees is die bron van die oorvloedige lewe (Johannes 7:37-39).
  
  
• Die Heilige Gees het gekom om Christus te verheerlik (Johannes 16:1-15).  Iemand is 'n ware dissipel van Christus as hy met die Heilige Gees vervul is.
  
  
• In Sy laaste opdrag voor Sy hemelvaart, belowe Christus die krag van die Heilige Gees aan ons sodat ons Sy getuies kan wees (Handelinge 1:1-9).

Hoe kan ons deur die Heilige Gees vervul word?

Jy kan nou vervul word met die Heilige Gees as jy:

• Werklik die begeerte het om deur die Heilige Gees beheer en toegerus te word (Matteus 5:6; Johannes 7:37-39).
  
  
• Jou sondes bely. Dank God in die geloof dat Hy al jou sondes vergewe het - die van die verlede, hede en toekoms - omdat Christus vir jou gesterwe het (Kolossense 2:13-15; 1 Johannes 1; 2:1-3; Hebreërs 10:1-17).
  
  

• Elke area van jou lewe aan God oorgee (Romeine 12:1-2).
  
  
• Eien deur geloof die vervulling met die Heilige gees toe, volgens:

  1. Sy Opdrag - Wees vervul met die Heilige Gees. "Moet julle nie aan drank te buite gaan nie; daarmee gaan losbandigheid gepaard.  Nee, laat die Gees julle vervul" (Efesiërs 5:18).

  2. Sy Belofte - Hy sal ons altyd antwoord as ons volgens Sy wil bid. "En nou kan ons met vrymoedigheid na God gaan, omdat Hy ons gebede verhoor as ons iets só vra, ek weet ons ook dat ons kry wat ons van Hom vra"
  (1 Johannes 5:14, 15).

Gebed gee uiting aan geloof...