Ti pelikula nga Jesus ti kaaadduan nga naipaulog iti nadumaduma nga pagsasao ken ti maipabpabuya iti nadumaduma nga luglugar . Ti gapu ti nainlubongan nga balligina ken ti panangayat ti tattao ket ti kinapudnona ken kinaisuna iti pannakaisuratna iti Sao ti Dios.

 
Ti libro ni Lukas iti Nasaantuan nga Biblia ti napili nga nangibasaran ti daytoy nga sine. Lima nga tawen nga naannad nga panagadal ken panagsagana ti naaramid sakbay nga nairugi ti trabaho daytoy nga pelikula idiay Israel. Tattao nga "researchers","archeologists","historians" ken "theologians" ti nakunsulta.  Adda naaramid nga naisangsangayan nga panangaramid kadagiti un-una nga damdamili, gamgamit ken badbado.

"Tinarigagayanmi ti makaaramid ti drama ti napudno nga naisurat maipapan ti pudno nga tao nga nagbiag iti napalabas nga 2000 tawen." Ti imbaga ni Paul Eshelman, director ti nainlubongan nga pannakaiwaras ti pelikula nga Jesus. "Ni Jesus ket nagtrabaho babaen kadagiti im-immana, nakipagnaed kadagiti pudpudno nga tattao, nakipangan kadagiti kanenda, ammona dagiti an-annayenda. Kayatmi ti pelikula nga marikna dagiti agbuya nga naaddaanda ti pannakaawat iti daytoy nga tao nga nangbalbaliw ti pakasaritaan ti lubong ken ti agtultuloy nga mangbalbaliw ti biag inggana ita nga agdama, ti Maysa nga Dios ken Tao, ni Jesus ti Nazareth."

Ti panangpili kadagiti nagakem ti daytoy nga drama a mangipakita ti biag ni Jesus ket kinasapulanna ti nainget nga panagbirok, nangnangruna ti tao nga agakem nga Jesus. Para ti napaypayso nga ruprupa, ti 45 nga nagakem nga tattao ken ti awan pagkuranganna nga 5,000 nga dadduma pay nga nagakem ket napilida kadagiti tattao nga agnaed idiay "Middle East". Ti umuna nga akem nga Jesus, ket naited ken ni Brian Deacon, myembro ti mabigbig nga Royal Shakesperean Company ti Britanya. Napili kadagiti 1,000 nga artista gapu ta nanumo ngem addaan ti panangdayawna ti panangakemna ti biag ni Jesus nga kas imbaga kadatayo ni Lukas.

Iti agdama, ti pelikula nga Jesus ket naipaulogen iti 400 nga pagsasao. Nabuyan daytoy iti nasurok nga 1.1 bilyon nga tattao iti intero nga lubong. Ti pelikula ket ginastusan ken inisponsoran ti Campus Crusade for Christ International. Daytoy ket inaramid ni John Heyman, nangabak ti pammadayaw iti "Cannes Film Festival". Ti Warner Brothers ti nangeggem ti umuna nga pannakaipabuya kadagidiay pagsinian idiay North America.