Inkari ti Biblia Ti Biag nga Agnanayon Kadagiti Amin nga Umawat ken Cristo
"Daytoy ngarud ti pammaneknek: Innikkannatayo ti Dios ti biag nga agnanayon ket masarakan daytoy a biag iti Anakna. Ti mangikut iti Anak, ikutanna met daytoy a biag. Insuratko dagitoy kadakayo a mamati iti nagan ti Anak ti Dios, tapno maammoanyo nga adda biagyo nga agnanayon." (1 Juan 5:11-13).

Agyamanka nga kanayon iti Dios gapu ti kaadda ni Cristo iti biagmo ken ti saannan nga panangpanaw kenka uray kaanoman (Hebreo 13:5). Mabalinmo nga maammoan a ni Cristo addan nga makipagnaed kenka ken addan biagmo nga agnanayon nanipud panangatmo ken Cristo kas inkarina. Di na kanto allilawen.

Napateg nga balakad...

Dika agtalek iti rikrikna

Ti kari ti Dios iti Biblia ti pagtalgedantayo. Ti Cristiano agbiag babaen ti pammati wenno panagtalek iti Dios ken ti Saona. Ti rikrikna agbaliw ngem ti Dios ken ti Saona saan nga agbaliw. Ti ladawan ti trak nga adda iti baba ket ipakitana ti relasyon ti PUDNO (ti Dios ken ti Saona). PAMMATI (panagtalektayo iti Dios ken ti saona). ken RIKNA (bunga ti pammati ken panagtulnogtayo) (Juan 14:21).

Ti trak agtaray addaman wenno awan ti trailer. Ngem awan mamaayna no ti trailer ket padasenna nga guyuden ti trak. Kasta met kadatayo nga Cristiano, saantayo nga agtalek kadagiti rikriknatayo, ngem agtalektayo iti kinamatalek ti Dios ken kadagiti karkarina manipud iti Nasantoan nga Saona.

Itan ta inawatmo ni Cristo

Iti kanito nga inawatmo ni Cristo babaen ti pammati, adu nga banbanag ti napasamak kenka:

1. Simrek ni Cristo dita biagmo (Apocalipsis 3:20 ; Colosas 1:27).
2. Napakawanen dagiti basbasalmo (Colosas 1:14).
3. Nagbalinka nga anak ti Dios (Juan 1:12).
4. Adda biagmon nga agnanayon (Juan 5:24).
5. Nangrugikan nga agbiag kas nangparsuaan ti Dios kenka (Juan 10:10; 2 Corinto 5:17 ; 1 Tesalonica 5:18).

Adda kadi mapanunutmo a banag nga naim-imbag nga maaramid kenka ngem iti panangawatmo ken Cristo? Kayatmo kadi ti agyaman ken Apo Dios Babaen ti panagkararag gapu ti inaramidna kenka? Ti panagyamanmo iti Dios ket iyebkasna ti pammatim.

Balbalakad nga Agpaay iti NaCristianoan nga Idadakkel

Ti naespirituan nga idadakkel ket isu't bunga ti panagtalek ken ni Jesu-Cristo. "Ti nalinteg a tao ket agbiag babaen ti pammati." (Galatia 3:11). Ti panagbiag babaen ti pammati ket pabilgenna ti panangitalekmo iti Dios iti amin nga paset ti biagmo. Dagiti sumaganad ket makatulongda iti naespirituan nga idadakkel:

1. Agkararagka iti inaldaw-aldaw (Juan 15:7).
2. Inaldaw nga basaem ti Biblia, isu ti Sao ti Dios (Acts 17:11); Irugim iti Ebanghelio ni san Juan.
3. Agtulnogka iti Dios a kankanayon (Juan 14:21).
4. Agsaksika babaen ti sao ken aramid (Mateo 4:19; Juan 15:8).
5. Italekno iti Dios ti amin nga paset ti biagmo (1 Pedro 5:7).
6. Pagturayem ti Espiritu Santo iti biagmo a kankanayon ken iti panagsaksim (Galacia 5:16,17; Aramid 1:8).

Ti Pateg Ti Pudno nga Simbaan

Ti Hebreo 10:25, balakadannatayo nga saantayo nga baybay-an "Ti panaggigimong..." Ti sumagmamano nga sungrod ket mapuoranda nga narubrub, ngem mangilasinka ti maysa ket maiddep ti apoyna. Kasta met ti relasyontayo kadagiti dadduma nga Cristiano. No saanka pay nga naikameng iti maysa nga simbaan, saanmo nga urayen nga awisendaka. Sarungkaram ti asideg nga simbaan a ni Cristo ti maitantan-ok, maidaydayaw, ken maisursuro ti Saona. Irugim ita nga lawas ket dika liwliwayan ti makigimong.

Adda napateg nga babasaen para iti naCristianoan nga idadakkelmo.

No naammoam nga personal ni Cristo babaen ti panangbasam iti daytoy, adda naisangsangayan nga pagadalan iti Biblia ken dadduma pay nga makatulong iti naCristianoan nga idadakkelmo. Tapno maaddaanka iti daytoy a pagadalan, agsuratka iti: Philippine Campus Crusade for Christ, P.O. Box 458, 1099, Manila.

MAINAYON NGA INPORMASYON

Tel#: (632) 372-3682, 372-3683, 372-3684, 372-4701, 372-4705, 372-4699
Fax#: (632) 3729550
Email: ccciloco@burgos.slu.edu.ph

You will want to share this important discovery...

If these pages have been meaningful and helpful to you, please share them with someone else.

The Four Spiritual Laws was written by Dr. Bill Bright
© 1965,1995 Campus Crusade for Christ. All Rights Reserved.
Internet version, including graphics, copyright © 1995 by Campus Crusade for Christ International. All Rights Reserved.
Questions and Comments are always welcome!
webmaster@greatcom.org