Ilocano sa web Dadduma nga pagsaso
Naragsak ti inaldaw a panagbiag ti Cristiano a makaammo ti kinapudno ti pannakapunno ken paidaldalan ti Espiritu Santo iti amin a kanito ti biagna.  

Ti Biag A Napno Ti Pannakabalin Ti Espiritu Santo?

 

Ti Biblia ibagana kadatayo nga adda tallo nga klase ti tao: 

1.  Tao A Natural (Tao a saan pay nga immawat ken Cristo)
"Ngem ti tao nga awanan iti Espiritu dinanto awaten dagiti sagut nga aggapu iti Espiritu ti Dios.  Saanna a maawatan dagitoy ta minamaagda kenkuana.  Ngamin, mabigbig laeng ti pategda babaen ti espiritu" (1 Corinto 2:14).

BIAG NGA ITURAYAN TI TAO

SIAK ti nakatugaw ti trono

Dagiti tartarigagay nga tarawidwidan ti tao.  No dadduma agbanag ti pannakariribuk ken pannakaupay.

Ni Cristo adda ti ruar ti biag


2.  Tao a Naespirituan (Tao nga idaldalan ken iturayan ti Espiritu Santo)
"Kabaelan a tingitingin ti naespirituan a tao ti pateg ti amin, ngem awan makatingiting kenkuana.  Adda kadatayo ti kapanunutan ni Cristo"
(1 Corinto 2:15-16).

law4.2.gif (4586 bytes) BIAG NGA
ITURAYAN NI CRISTO

Ni Cristo addan ken iturturayanna ti biagko.

Siak agtultulnogak ken Cristo

Dagiti tartarigagayko nga tarawidwidan ni Cristo ket agbanagda iti pannakaiyannurot ti plano ti Dios.

3.  Tao A Linalasag (Tao nga immawaten ken Cristo ngem saan nga naballigi iti nacristianoan a biagna ta agtaltalek iti bukodna nga pigsa).
"Kinapudnona, kakabsatko, saanko nga impada ti panag-saok kadakayo iti panagsaok kadagiti tattao nga addaan iti Espiritu.  Nagsaoak kadakayo a kas tattao iti lubong, kas ubbing iti nacristianoan a pammati.  Gatas ti impainumko kadakayo, ta diyo pay mabalin ti mangan iti natangken a taraon.  Agpapan ita, saankayo pay a nakasagana ta agbi-biagkayo pay laeng a kas tattao iti lubong.  Wen, ipaneknek ti panagi-innapal ken panagriririyo a tattao kayo iti lubong nga agbibiag a kas mayannurot iti alagaden ti lubong?" (1 Corinto 3:1-3).

law4.5.gif (4425 bytes) BIAG NGA
ITURAYAN TI TAO

Siak ti nakatugaw ti trono

Pinaglisik ni Cristo iti trono ti biagko.  Saanko a palubusan nga idalanna ti biagko.

Iturayak dagiti tartarigagayko ket agbanagda iti pannakariribuk ken pannakaupay
1.  Inikkannatayo Ti Dios Ti Nawadwad Ken Nabunga A Nacristianoan A Biag

  • Ni Jesus kinunana, "Immayak tapno maaddaanda iti biag nga awan pagkuranganna" (Juan 10:10).

  • "Siak ti puon ti ubas, dakayo dagiti sanga.  Ti agtaeng kaniak ket siak kenkuana, adunto ti maibungana; ta no awanak, awan ti maaramidyo" (Juan 15:5).
  • "Ngem ti Espiritu pataudenna ti ayat, rag-o, talna, anus, kinamanangaasi, kinaimbag, kinamatalek, kinapakum-baba ken panagteppel.  Awan ti linteg a maibusor kadagitoy" (Galacia 5:22, 23).
  • "Ngem awatenyonto ti pannakabalin inton umay kadakayo ti Espiritu Santo.   Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga" (Aramid 1:8).

    Ti Naespirituan A Tao - Dagitoy dagiti sumagmamano nga ug-ugali nga bunga iti panagtalek iti Dios:

Ipangpangrunana ni Cristo
Pabpabilgen ti Espiritu Santo
Managkararag
Mannakaawat iti Sao ti Dios
Managtalek iti Dios
Natulnog iti Dios
Ipadpadamagna ni Cristo        kadagiti dadduma.

law4.2.gif (4586 bytes)

Ayat
Rag-o
Talna
Kinaanus
Kinaemma
Kinamatalek
Kinaimbag


Ti pannakaipakita kadagitoy nga kababalin ti biag ket depende iti kinauneg ti panangitalek ti Cristiano ti isu amin a paset ti biagna ken no nataenganen ti pammatina ken Cristo.   No ti maysa a Cristiano ket mangrugrugi pay laeng nga makaawat iti aramid ken pannakabalin ti Espiritu Santo, saan koma nga maupay no ti biagna ket saan unay a nabunga a kas kadagiti Cristiano nga nataenganen ken ammoda ken nabayagen nga pagbibiaganda daytoy nga kinapudno.

Apay nga kaadduan kadagiti Cristiano ket saanda a mapadpadasan ti nawadwad a biag?

2. Dagiti Linalasag A Cristiano Dida Mapadas Ti Nawadwad Ken Nabunga A Nacristianoan A Biag.

Ti linalasag a Cristiano ket agtalek iti bukodna a pigsa iti panagbiagna iti nacristianoan a biag agsipud ta:

  1. Mabalin a dina ammo, wenno nalipatanna ti ayat, pammakawan, ken pannakabalin ti Dios   (Roma 5:8-10; Hebreo 10:1-25;1 Juan 1; 1 Juan 2:1-3; 2 Pedro 1:9; Aramid 1:8).

  2. Agpangato nga agpababa ti naespirituan a panagbiagna.

  3. Saanna nga maawatan ti bagina - kayatna nga aramiden ti nalinteg, ngem dina met aramiden.

  4. Saan nga agdawat iti pannakabalin ti Espiritu Santo tapno naballigi iti nacristianoan a panagbiagna..

  5. (1 Corinto 3:1-3; Roma 7:15-24; 8:7; Galacia 5:16-18)

Ti Linalasag A Tao - Sumagmamano,wenno amin dagitoy nga kababalin ket iladawanda ti Cristiano a saan a naan-anay ti panagtalekna iti Dios:

Dina ammo ti naespirituan a     tawidna
Panagduadua
Kinasukir
Pannaka-awan ti                       panagayatna ti Dios ken dadduma nga          tattao
Awan tarigagayna nga agadal     ti Biblia		 law4.5.gif (4424 bytes) Panagtulnog babaen
    kadagiti linlinteg
Narugit nga panagpanpanunot
Naapal
Managbasol
Nalabes nga panagdandanag
Pannakaupay
Managuyaw
Awanan panggep iti                   masakbayan

(Ti agkuna nga isuna ket Cristiano ngem agtultuloy met iti kinamanagbasolna ket masapul nga kitaenna a nalaing ti biagna di la ket ta saan pay a pudno a Cristiano kas kuna ti 1 Juan 2:1-3; 1 Juan 3:6, 1:9; Efeso 5:5). I-click mo ditoy tapno maammuam no sigurado nga Cristianoka.


Ti maikatlo a kinapudno sungbatanna daytoy a parikut...

3.  Inikari ni Jesus Ti Nawadwad Ken Nabunga A Biag Kas Resulta Ti Pannakapunno (Pannakaidalan Ken Pannakapabileg) Iti Espiritu Santo.

Ti biag nga napno ti Espiritu Santo ket isu ti biag nga idaldalan ni Cristo.  Ni Cristo ti agbibiag kadatayo babaen ti pannakabalin ti Espiritu Santo (Juan 15).

  • Ti maysa a tao agbalin a Cristiano babaen ti aramid ti Espiritu Santo (Juan 3:1-8).  Agnaed ti Espiritu Santo iti Cristiano iti kanito ti pannakayanakna a naespirituan (Juan 1:12; Colosas 2:9,10; Juan 14:16, 17). Nupay amin a Cristiano ket pagna-edan ti Espiritu Santo, saan nga amin a Cristiano ket napno (idaldalan ken pabpabilgen) ti Espiritu Santo.

  • Ti Espiritu Santo isu ti pagtaudan ti makapnek a panagbiag (Juan 7:37-39).

  • Ti Espiritu Santo immay tapno idaydayawna ni Cristo (Juan 16:1-15).  No ti Cristiano ket napno ti Espiritu Santo, idaydayawna met ni Cristo.

  • Iti maudli a bilin ni Cristo sakbay nga immuli sadi langit, inkarina nga ti pannakabalin ti Espiritu Santo ti tumulong kadatayo iti panagsaksitayo maipapan Kenkuana  (Aramid 1:1-9).

Kasano ngarud ti pannakapunno iti Espiritu Santo?

4. Mapunnotayo (Paidalan Ken Mapabileg) Ti Espiritu Santo Babaen Ti Pammati; Kalpasanna Mapadasantayo Ti Nawadwad Ken Nabunga A Biag Kas Inkari Ni Cristo Iti Tunggal Cristiano.

Mabalinmo nga awaten ti pannakapunno ti Espiritu Santo ita met laeng no:

  • Napudno ti tarigagaymo nga paidalan ken mapabileg ti Espiritu Santo (Mateo 5:6; Juan 7:37-39).
  • Ipudnom dagiti basbasolmo.  Babaen ti pammati, agyamanka iti Dios ta pinakawannan amin dagiti basbasolmo dagiti napalabas, agdama, ken masak-bayan agsipud ta natay ni Cristo para kenka  (Colosas 2:13-15; 1 Juan 1; 2:1-3; Hebreo 10:1-17).
  • Isukom ti pannakatengngel ti biagmo ken Cristo kas imbilin ti Dios (Roma 12:1,2).
  • Babaen ti  pammati awatem ti pannakapunno ti Espiritu Santo kas mayannurot:

    1. Iti Bilinna - Mapnokayo iti Spiritu Santo.   "Dikay agbarbartek ta isu't pakadadaelanyo.  Mapnokayo koma ketdi iti Espiritu" (Efeso 5:18).

    2. Iti Karina - Sungbatannatayo a kanayon no agkararagtayo iti mayannurot ti pagayatanna.  "Agtalgedtayo iti Dios agsipud ta denggennatayo iti aniaman a dawatentayo no la ket mayannurot ti pagayatanna.  Ket no ammotayo a denggennatayo ammotayo met nga awatentayo ti aniaman a dawatentayo kenkuana" (1 Juan 5:14, 15).

Ti pammati mabalin nga maiyebkas babaen ti kararag...

Panagkararag Babaen Ti Pammati Tapno Mapno Iti Espiritu Santo

Mapnotayo iti Espiritu Santo babaen laeng iti pammati.  Maiyebkasmo ti pammatim babaen ti napudno nga panag-kararag.  Daytoy ti pagwadan a kararag nga mabalinmo nga usaren:

"Apo Dios masapulka.  Annugotek nga nagbasolak Kenka iti panangiturturayko ti biagko.  Dawatek ti pammakawanmo.  Agyamanak ta gapu ti ipapatay ni Cristo idiay krus, pinakawanmon amin dagiti basbasolko.  Ket ita dawatek Kenka Cristo nga iturayam ti biagko.  Punnoennak ti Espiritu Santo kas imbilinmo ken kas inkarim iti Biblia. Daytoy ti dawatek a sipapati iti nagan ni Jesus.  Kas tanda ti pammatik, agyamanak ti kaaddamon iti trono ti biagko ken panangpunnom kaniak iti Espiritu Santo.  Amen."

Daytoy kadi nga kararag ket tarigagayan nga iyebkas dayta pusom?  No kasta, agdumogka nga agkararag ken agtalekka nga ita met laeng ket punnoennaka ti Dios ti Espiritu Santo.

Kasano Ti Pannakaammom a Napnokan Iti Espiritu Santo

Dinawatmo met laeng kadi iti Dios nga punnoennaka iti Espiritu Santo?  Ammom kadin a napnokan iti Espiritu Santo? Ania ti pammaneknek? (Ti kinamatalek ti Dios ken ti Saona: Hebreo 11:6; Roma 14:22, 23.)

Saanka nga agtalek iti riknam, ta ti rikna agbalbaliw.  Ti kari ti Sao ti Dios ti pagtalkantayo.  Ti Cristiano agbiag babaen iti pammati wenno panagtalek iti Dios ken ti Saona.  Ti sinan tren iti baba ipakitana ti relasyon ti Kinapudno (ti Dios ken ti Saona), Pammati (panagtalek ti Dios ken ti Saona), ken Rikna (bunga ti pammati ken panagtulnog) (Juan 14:21).


Adda man wenno awan ti trailer Agtaray latta ti tren. Saan a mabalin nga guyuden ti tren babaen iti trailer. Kasta met kadatayo a Cristiano, ditay mabalin ti agtalek iti riknatayo.  Ti laeng Dios ken ti Saona ti mabalintayo a pagtalkan.

Wagas Ti Pannagna Iti Espiritu

Ti Pammati (panagtalek iti Dios ken kadagiti karkarina) ket isu laeng ti pagtalgedan ti Cristiano iti naespirituan nga panagbiagna.  Kas itultuloymo ti agtalek ken Cristo iti amin a kanito ti biagmo:

  1. Umad-adu ti bunga ti Espiritu Santo a makita iti biagmo (Galacia 5:22, 23) ken ad-adda met ti pannakayasping ta biagmo iti langa ni Cristo (Roma 12:2; 2 Corinto 3:18).

  2. Ad-adda nga pumatpateg ti panagkararagmo ken panagadalmo ti Sao ti Dios.

  3. Mapadasam ti bileg ti Espiritu Santo iti panagsaksim para Kenkuana (Aramid 1:8).

  4. Nakasaganaka kadagiti naespirituan nga dangadang nga maibusor iti lubong (1 Juan 2:15-17); iti lasag (Galacia 5:16-17); ken ni Satanas (1 Pedro 5:7-9; Efeso 6:10-13).

  5. Mapadasmo ti bileg ti Dios nga mangparmek iti sulisog ken ti basol (1 Corinto 10:13; Filipos 4:13; Efeso 1:19-23; 2 Timoteo 1:7; Roma 6:1-16).

Naespirituan A Panaganges

Babaen ti pammati mabalin nga maitultuloymo a mapadasan ti ayat ken pammakawan ti Dios.   No ammom nga adda kababalinmo (pagsasao wenno aramid) nga saan nga makaay-ayo iti Dios, uray no makipagpagnaka ken agserserbika Kenkuana, agyamanka ken ni Apo Dios ta pinakawannan dagiti basbasolmo dagiti naglabas, agdama ken dagiti masak-bayan gapu ti ipapatay ni Cristo idiay Krus.  Awaten ti ayat ken pammakawanna babaen ti pammati ket itultuloymo ti makipagna Kenkuana.

No gapu iti basol ken iturayam manen ti biagmo gapu iti panagsukir agangeska iti naespirituan.

Naespirituan nga panaganges (panangisang-aw ti narugit ken pananglang-ab ti nadalus)   Maysa nga aramid babaen ti pammati nga makatulong kenka iti panagtultuloymo nga mapadasan ti ayat ken pammakawan ni Apo Dios.

1. Panagisang-aw - Ti panangipudnom kadagiti basbasolmo.  Aklunem iti Dios a nagbasolka, ket  agyamanka iti pammakawanna kas mabasa iti 1 Juan 1:9 ken Hebreo10:1-25. Ti panangipudno iti basol iramanna metten ti panagbabawi ken panagbalbaliw ti ugali ken aramid.

2. Panaglang-ab - Ti panangidatonmo ti biagmo ken Cristo tapno isuna ti agturay.  Awatem met ti pannakapunno iti Espiritu Santo babaen ti pammati. Agtalekka nga itan isunan ti mangiturturay ken mangpabileg kenka kas imbilinna iti Efeso 5:18, ken ti karina iti 1 Juan 5:14, 15.

Kayatmo met nga ibingay daytoy napateg nga naammuam...

No nakatulong kenka dagitoy nga pahina dawatenmi nga ibingay mo iti sabali.

Minilyon a kopya daytoy a librito "Nabirokam Kadin ti Biag a Napnoan iti Espiritu Santo?"  ti naiprinta kadagiti nalatak a pagsasao, sa naibunong iti intero a lubong.  Nagbanaganna, riniwriw dagiti Cristiano ti nakasursuro no kasano ti pannakapadas iti pannakabalin ken panarawidwid ti Espiritu Santo tunggal kanito.   Babaen ti nawadwad a biag nga inkari ni Cristo isu ita a ganganasenda, ad-adda manen a bimmilegda nga mangikasaba iti pammatida ken Cristo kadagiti sabsabali. Dagiti padpadas ti nangpatalged iti kinapudno ti bilin ni Cristo kadagiti adalanna nga urayenda ti naimbag damag ti ayat ni Cristo.  Kaadduan a Cristiano no maammoanda daytoy a kinapudno maipapan ti Espiritu Santo, rumegtada nga agserbi ken Cristo tumulongda a naimbag iti pannakatungpal ti naindaklan a bilin iti agdama a kaputotan.

No kayatmo ti maaddaan ti kopya ti daytoy nga libreta,  i-click mo dito'y.

MAINAYON NGA INPORMASYON

Philippine Campus Crusade for Christ
P.O. Box 458
Manila 1099, Philippines

Tel#: (632) 372-3682, 372-3683, 372-3684, 372-4701, 372-4705, 372-4699
Fax#: (632) 3729550
Email: ccciloco@burgos.slu.edu.ph

Jesu Cristo Sino si Hesus? Ti Pelikula Nga Hesus Uppat A Naespiritohan Nga Linlinteg Ti Biag a Napno Ti Pannakabalin Ti Espiritu Santo Gundaway Resurses

© 2000-2003 Philippine Campus Crusade for Christ

Revision Date: 02 August, 2006