Bibele e tshephiša bophelo bjo bo sa felego go bao ba amogelang Kriste
“Gomme bohlatse ke bjo, gore Modimo o re file bophelo bjo sa felego, mme bophelo bjo bo Morweng wa gagwe. Yo a nang le Morwa o na le bophelo; eo a se nang Morwa wa Modimo ga a na bophelo. Dilo tše ke le ngwaletše tšona lena bao le dumelang leineng la Morwa wa Modimo, gore le tsebe gore le na le bophelo bjo bo sa felego” (1 Johane 5:11-13).

Leboga Modimo ka mehla ge Kriste a le bophelong bja gago, le ge a ka se go tlogele le gatee  (Baheberu 13:5). Ka tshephišo ya gagwe, o ka tseba gore Kriste yo a phelang o ka gare ga bophelo bja gago, le gore o na le bophelo bjo sa felego go tloga motsotsong woo o mo amogelang. A ka se ke a go foraforetša.

Kgopotšo ye bohlokwa...

Se tshephe maikutlo

Maatla a rena ke tshephišo ya Lentšu la Modimo, e seng maikutlo. Mokriste o phela ka tumelo (tshepho) botshepheging bja Modimo ka boyena, gotee le Lentšu la gagwe. Seswantšho sa setimela se laetša kamano gare ga nnete (Modimo le lentšu la gagwe), tumelo (tshepho ya rena go Modimo le lentšu la gagwe), le maikutlwelo (poelo ya tumelo ya rena le go kwa).Bala (B. Johane 14:21).

Setimela se ka kitima ntle le bene ya mohlokomedi. Empa, e ka ba ka lefeela go leka go goga terene ka bene ya mohlokomedi. Ka tsela e bjalo, rena, bjalo ka baKriste, ga re itshetlege ka maikutlwelo goba khuduego ya moya; empa re bea tumelo (tshepho) botshepheging bja Modimo le ditshephišong tša lentšu la gagwe.itshetlege ka maikutlwelo goba khuduego ya moya; empa re bea tumelo (tshepho) botshepheging bja Modimo le ditshephišong tša lentšu la gagwe.

Bjale ka ge o amogetše Kriste

Go tloga motsotsong oo o amogetšego Kriste ka tumelo, go diregile dilo tše ntši tša go swana le tše latelago:

1. Kriste o tsene bophelong bja gago (Kutullo 3:20 ; Bakolose 1:27).
2. Lebaletšwe dibe tša gago (Bakolose 1:14).
3. Dirilwe ngwana wa Modimo  (Johane 1:12).
4. Amogetše bophelo bjo bo sa felego  (Johane 5:24).
5. O thomile go phela bophelo bjoo Modimo a go bopetšego bjona (Johane 10:10; 2 Bakorinthe 5:17 ; 1 Bathesalonika 5:18).

A, o ka gopola ka se sengwe se bohlokwa seo se ka go diregelago go feta go amogela Kriste? A o ka rata go leboga Modimo thapelong gonabjale ka seo a go diretšego sona? Ka go leboga Modimo o laetša tumelo ya gago.

Go ipshina ka bophelo bjo bo tletšego...

Ditšhišinyo mabapi le go godiša bokrište

Go gola ka tsela ya semoya go hlolwa ke ge Mokriste a tshepha Jesu Kriste. “Moloki o tlo phela ka tumelo” (Bagalatia 3:11). Bophelo bja tumelo bo tla go kgontšha go tshepha Modimo ka karolo tšohle tša bophelo bja gago le go phetha dilo tša go swana le tše:

• Thapelo	go Modimo ka thapelo ka mehla o  (Johane 15:7).
  Go bala	Go bala Lentšu la Modimo ka mehla  (Ditiro 17:11); thomiša ka Ebangedi ya Johane.
  Boikokobetšo	Go ikokobetša pele ga Modimo ka nako tšohle   (Johane 14:21).
  Bohlatse	Go hlatsela Kriste ka dipolelo le mesepelo ya gago  (Mateo 4:19; Johane 15:8).
  Tshepho	Go tshepha Modimo ka karolo tšohle tša bophelo bja gago (1 Petro 5:7).
  Boineelo	A Go dumela Moya -  o Mokgethwa go go laola le go go nea maatla a go hlatsela Kriste  (Bagalatia 5:16,17; Ditiro 1:8).

Setswalle sa Phutchego

Go Baherebe 10:25, re  eletšwa gore, “Re se ngale phuthego ya gešo...” Dikgong tše ntši di tuka botse gammogo; empa ge serumula se sengwe se ka beelwa thoko, se a tima. Go bjalo le ka kopano ya gago le BaKriste ba bangwe. Ge o sa tsene kereke, se emele bangwe gore ba go laleletše. Tšea dikgato o ikopanye le moruti wa kereke ya kgauswi yeo mo go yona go hlomphiwago Kriste ge go rerwa Lentšu la Gagwe. Thoma beke yona ye, o ikopanye le phuthego ka mehla.

Tše di ka thušago go godiša bokriste.

Ge pukwana ye e go thušitše go amogela Kriste, o ka kgopela dithuši tša go godiša Bokriste  ditihuši tša go godiša Bokriste ka go ngwalela Campus Crusade for Christ, PO Box 4078, Halfway House 1685.

Ikokeditional ikokeletše tshedimošo

Campus Crusade for Christ, South Africa
P.O. Box 4078
Halfway House, Midrand, 1685

Mohlomongwe o kganyoga go abela bangwe sephiri se bohlokwa se o se utollotšego...

Ge matlakala a a go thušitše a bile le mohola go wena, anke o abele ba bangwe tše o di hweditšego mo.

Go kgonthiša le go šireletša boleng bja diteng gore di se fetolwe, letlakala le (le ge e le di-mirror saete) ga di a swanela go ntšifatšwa le ge e ka ba ka mokgwa ofe ka ntle le tumelo ka lengwalo ye e tšwago go mogatiši e lego, NewLife Publications, P.O. Box 593684, Orlando, FL 32859.

Melao ye Mene ya Semoya e ngwadilwe ke Dr. Bill Bright 1965, 1995,
Campus Crusade for Christ. Ditokelo tšohle di šireleditšwe.
Tokelotšweletšo ya internet le ge e le ya diswantšho e laolwa ke Campus Crusade for Christ International. Ditokelo tšohle di šireleditšwe ke molao.

Dipotšišo le ditshwayatshwayo di a amogelwa!

webmaster@greatcom.org