Hakbang # 1: Magtakda ng Layunin

Bakit ka nag-aayuno? Ito ba’y para sa panibagong siglang espirtuwal, paggabay, paggaling ng maysakit, solusyon sa ilang problema, natatanging biyaya para sa isang mahirap na sitwasyon? Hilingin sa Banal Na Espiritu na liwanagin ang Kaniyang paggabay at layunin para sa iyong mapanalanging pag-aayuno.

Sa pamamagitan ng pag-aayuno at panalangin ay nagpapakumbaba tayo sa harapan ng Diyos na nawa’y bagabagin ng Banal na Espiritu ang ating mga kaluluwa, gisingin ang ating mga simbahan, at pagalingin ang ating lupain ayon sa 2 Chronico 7:14. Unahin ito sa iyong pag-aayuno.

Hakbang # 2: Gumawa ng Paghahabilin

Hilingin ang uri ng pag-aayuno na nais mong gawin. Sinabi ni Jesus na ang lahat ng Kaniyang mga tagasunod ay dapat mag-ayuno (Mateo 6:16-18; 9: 14, 15). Para sa Kaniya ang pinag-uusapan ay kung kailan sila dapat mag-ayuno, hindi kung dapat silang mag-ayuno. Bago mag-ayuno, siguruhin ang mga sumusunod:

• Hanggang kailan ka dapat mag-ayuno - isang kainan, isang araw, isang linggo, ilang linggo, apatnapung araw (Ang mga nagsisimula lamang ay dapat gawin ito ng dahan-dahan hanggang makatatagal).

• Ang pag-aayunong gusto ng Diyos (gaya ng tubig lamang, o tubig at katas; anong uri ng katas ang iyong iinumin at gaanong katagal).

• Anong mga pisikal at sosyal na gawain ang iyong lilimitan.

• Gaanong oras sa bawat araw ang idudulot mo sa panalangin at Salita ng Diyos

Ang paggawa ng mga paghahabiling ito bago magsimula ay makatutulong sa iyong makatagal sa pag-aayuno kapag ang mga pisikal na tukso at dalahin sa buhay ay maging dahilan upang iwanan mo ito.

Hakbang # 3: Ihanda ang iyong espirituwal na sarili

Ang pinaka basehan ng pag-aayuno at panalangin ay pagsisisi. Magiging hadlang sa iyong mga panalangin ang anumang hindi naipahayag na kasalanan. Narito ang ilang mga bagay na maaari mong gawin upang ihanda ang iyong puso:

• Hilingin sa Diyos na makagawa ka ng kumpletong listahan ng kasalanan.

• Ihayag ang anumang kasalanan na ipina-aalala ng Banal Na Espiritu at tanggapin ang patawad ng Diyos (I Juan 1:9).

• Humingi ng tawad mula sa lahat ng iyong nagawan ng di mabuti, at patawarin naman ang lahat ng sa iyo’y nakasakit (Marcos 11: 25; Lucas 11:14; 17: 3,4).

• Magsagawa ng mga pagkukulang nang ayon sa ipinahihiwatig ng Banal Na Espiritu.

• Hilingin sa Diyos na puspusin ka ng Banal Na Espiritu ayon s a Kaniyang utos sa Efeso 5:18 at Kaniyang pangako sa I Juan 5: 14, 15.

• Ipailalim ang iyong buhay kay Jesu Cristo bilang Panginoon; iwasan ang pagsunod sa makamundo mong naisin (Mga Taga Roma 12: 1, 2).

• Pagmuni-munihin ang mga katangian ng Diyos, ang Kaniyang pag-ibig, kapangyarihan, karunungan, katapatan, biyaya, pagkamahabagin, at iba pa (Mga Awit 48:9, 10; 103:1-8, 11-13).

• Simulan ang iyong panahon ng pag-aayuno at panalangin na may pananabik ng puso (Sa Hebreo 11:6).

• Huwag maliitin ang kaaway na espirituwal. Kung minsa’y pinalalakas ni Satanas ang natural na alitan ng katawan at espiritu (Galacia 5:16, 17).

Hakbang # 4: Ihanda ang Pisikal na Sarili

Kailangan sa pag-aayuno ang ilang paalaala. Sumangguni muna sa iyong manggagamot, lalo na kung ikaw ay may iniinom na gamot o may matagal ng karamdaman. May ilang mga taong hindi dapat mag-ayuno ng walang superbisyon.

Ang pisikal na paghahanda ay pinadadali ang biglaang pagbabago sa iyong pagkain upang maibigay mo nang lubusan sa Panginoon ang iyong atensiyon.

• Huwag madaliin ang iyong ayuno.
• Ihanda ang iyong katawan. Unti-unti ang gawing pagkain bago simulan ang ayuno. Iwasan ang mamantika at matatamis na pagkain.
• Kumain ng sariwang prutas at gulay ng may dalawang araw bago simulan ang ayuno.

[7 Panimulang Hakbang Sa Pag-aayuno at Panalangin | Susunod na Pahina ]

Sino si Jesus?